శ్రీ సాయి నక్షత్ర మాలిక

శ్రీ సాయి నక్షత్ర మాలిక

1.  షిర్డీ సదనా శ్రీ సాయీ

సుందర వదన శుభ దాయీ

జగత్కారణా జయ సాయీ

నీ స్మరణే ఎంతో హాయీ

2.  శిరమున వస్త్రము చుట్టితివీ

చినిగిన కఫనీ తొడిగితివీ

పకీరువలె కనిపించితివీ

పరమాత్ముడవనిపించితివీ

 3.     చాందుపటేలుని పిలిచితివవీ

అశ్వము జాడ తెలిపితివి

మహల్సా భక్తికి మురుసితివీ

సాయని పిలిచితే పలికితివీ

4.     గోధుమ పిండిని విసరితివవీ

కలరా వ్యాధిని తరిమితివీ

తుఫాను తాకిడినాపితివీ

అపాయమును తప్పించితివీ

5.     అయిదిళ్ళలో బిక్షడిగితివీ

పాపాలను పరిమార్చితివీ

బైజా సేవను మెచ్చితివీ

సాయుజ్యమునూ ఇచ్చితివీ

6.     నీళ్ళను నూనెగా మర్చితివీ

దీపాలను వెలిగించితివీ

సూకర నైజం తెలిపితివీ

నిందలు వేయుట మాన్పితివీ

7.     ఊదీ  వైద్యం చేసితివీ

వ్యాధుల నెన్నో బాపితివీ

సంకీర్తన చేయించితివీ

చిత్త శాంతి చేకుర్చితివీ

8.     అల్లా నామము పలికితివీ

ఎల్లరి క్షేమము కోరితివీ

చందనోత్సవం చేసితివీ

మతద్వేషాలను మాపితివీ

9.     కుష్టు రోగిని గాంచితివీ

ఆశ్రయమిచ్చి సాకితివీ

మనవ ధర్మం నెరపితివీ

మహాత్మునిగా విలసిల్లితివీ

10.   ధునిలో చేతిని పెట్టితివీ

కమ్మరి బిడ్డను కాచితివీ

శ్యామా మొర నాలించితివీ

పాము విషము తొలగించితివీ

11.    జానెడు బల్లను ఎక్కితివీ

చిత్రముగా శయనించితివీ

బల్లి రాకనూ తెలిపితివీ

సర్వజ్ఞుడవనిపించితివీ

12.  లెండీ వనమును పెంచితివీ

ఆహ్లాదమును పంచితివీ

కర్తవ్యము నెరిగించితివీ

సోమరితనమును తరిమితివీ

13.  కుక్కను కొడితే నొచ్చితివీ

నీపై దెబ్బలు చూపితివీ

ప్రేమ తత్వమును చాటితివీ

దయామయుడవనిపించితివీ

14. అందరిలోనూ ఒదిగితివీ

ఆకాశానికి ఎదిగితివీ

దుష్ట జనాళిని మార్చితివీ

శిష్ట కోటిలో చెర్చితివీ

15.   మహల్సా ఒడిలోకొరిగితివీ

ప్రాణాలను విదనాడితివీ

మూడు దినములకు లేచితివీ

మృత్యుంజయుడనిపించితివీ

16.   కాళ్ళకు గజ్జెలు కట్టితివీ

లయ బద్దముగా ఆడితివీ

మధుర గళముతో పాడితివీ

మహాదానందము కూర్చితివీ

17.   అహంకారమును తెగడితివీ

నానావలినీ పొగడితివీ

మానవ సేవ చేసితివీ

మహనీయుడవనిపించితివీ

18.  దాము భక్తికి మెచ్చితివీ

సంతానమును ఇచ్చితివీ

దాసగణుని కరుణించితివీ

గంగా యమునలు చూపితివీ

19.   పరిప్రశ్నను వివరించితివీ

నానాహృది కదిలించితివీ

దీక్షితుని పరీక్షించితివీ

గురు భక్తిని ఇల చాటితివీ

20.   చేతిని తెడ్డుగాతిప్పితివీ

కమ్మని వంటలు చేసితివీ

ఆర్తజనాళిని పిలిచితివీ

ఆకలి బాధను తీర్చితివీ

21.  మతమును మార్చితే కసరితివీ

మతమే తండ్రని తెలిపితివీ

సకల భూతదయ చూపితివీ

సాయి మాతగా అలరితివీ

22.   హేమాదును  దీవించితివీ

నీదు చరిత వ్రాయించితివీ

పారాయణ చేయించితివీ

పరితాపమునెడబాపితివీ

23.  లక్ష్మీబాయిని పిలిచితివవీ

తొమ్మిది నాణేములిచ్చితివీ

నవవిధ భక్తిని తెలిపితివీ

ముక్తికి మార్గం చూపితివీ

24. బూటీ కలలోకొచ్చితివీ

ఆలయమును కట్టించితివీ

తాత్యా ప్రాణమును నిలిపితివీ

మహాసమాధీ చెందితివీ

25.   సమాధి నుండే పలికితివీ

హారతినిమ్మని అడిగితివి

మురళీధరునిగ నిలిచితివీ

కరుణామృతమును చిలికితివీ

26. చెప్పినదేదో చేసితివీ

చేసినదేదో చెప్పితివీ

దాసకోటిమది దోచితివీ

దశదిశలా భాసిల్లితివీ

27. సకల దేవతలు నీవెనయా

సకల శుభములను కూర్చుమయా

సతతము నిను ద్యానింతుమయా

సద్గురు మాహృది నిలువుమయా

సాయి నక్షత్ర మాలికా  భవ రోగాలకు మూలికా పారాయణకిది తేలికా  ఫలమిచ్చుటలో ఏలికా

సమర్ద సద్గురువు  సాయినాధ్ మహరాజ్ కి జై