దుర్గమ్మ పాట

దుర్గమ్మ పాట

అమ్మకిదేపూజ పాద పూజ దుర్గమ్మకిదే పూజ పాద పూజ మంచి మనసుతో చేసే మల్లెల పూజ llఅమ్మll

1.కలకాలం అమ్మకిదే కనకాంబర పూజ 
   చేయి వదలరాదని చేమంతుల పూజ 
   దయతలిచే తల్లికిదే ధవనపు పూజ 
   మహమేరు నిలయినికి మందారల పూజ ll2ll llఅమ్మll

2.గుడిలోన తల్లికిదే గులాబీల పూజ 
   సకల రూప ధారిణికి సంపెంగల పూజ 
   మంగళదాయినికిదే మాలతీల పూజ
   భక్తుల బ్రోచేతల్లికి బంతిపూల పూజ ll2ll llఅమ్మll

3.లీలావినోదినికి లిల్లీపూల పూజ 
   కనువిందుల చేసేటి కమలాల పూజ 
   దిగివచ్చిన మాతకిదే దీపాల పూజ 
   జాలిగల తల్లికిదే జాజుల పూజ ll2ll llఅమ్మll